💪Pehalwaan

Paida hua.. toh chehra tha gol matol

Gulabi gaal.. aur hasse toh dikhe dimpal

Comics ki shokeen maa phoren dekh ke boli

'Mera beta Dimpal.. likhega ek din Tinkal'

Eskool mai..Dimpal tha kaphi aage

Padhai mai nahi.. ladhai mai

Toh babuji bejijhak dal diya akhade mai

'Mera beta Dimpal.. layega gold.. jo kare Dangal'

Bada hua..toh seena hua itna chauda

Dhara ya Gama..sabki rooh ko yaad dilaye mama

Kasarat karta itna dilphek sa

Ki chehre par pimpal ka pradesh aa uthta

Garam tha khoon itna

Ki narmi nahi thi baatoh mai

Aao kabhi aakhade pe tau..

Raah chalte sabko kehta phirta

Ek din ek khusti mai kummentatar ne

Paan khate khate.. keh kuch aisa diya

'Sher sa daahade..Emarat ko pal mai phode

Gaav ki aan baan shaan.. Pehelwan Pimpal'

Hasi ki bhochaar hui tab..

Aur chalti rahi..gaav gaav shehar shehar..

Dool mai mita naam..na socha aisa hogaya.. kyuki..

Kehte hai na.. kahaani kisike nahi hoti simpal